Hei­m÷rk
skrvk-banner-virdiheidmerkur.jpg

Eldivi­ur

eldividur.jpg
jolabok.jpg
byr_logo.gif
 
 
Skˇgarleikar Ý Hei­m÷rk
mi­vikudagur, 01 j˙lÝ 2015

Skógræktarfélag Reykjavíkur blæs til Skógarleika, hátíðar fyrir alla fjölskylduna sem haldin verður á áningarstaðnum Furulundi í Heiðmörk laugardaginn 4. júlí kl. 14-17.

Þar munu nokkrir færustu skógarhöggsmenn á Suður- og Vesturlandi leiða saman hesta sína í hefðbundnum skógarhöggsgreinum svo sem axarkasti, trjáfellingu og afkvistun trjábola. Búast má við miklum átökum og skemmtun í þessari hörkukeppni sem allir í fjölskyldunni ættu að hafa gaman að.

Jafnframt kemur skógarmaðurinn ógurlegi, Rick Sotil, á hátíðina og sýnir meðal annars fimi sína í að höggva í sundur boli með öxum. Sotil er Bandaríkjamaður af baskneskum ættum sem býr yfir margra ára reynslu á þessu sviði og er mikið að sjónarspil að fylgjast með honum handleika öxina. Hann keppir í skógargreinum víða í Bandaríkjunum og í Baskalandi, ennfremur er hann fyrrum heimsmeistari í þjóðaríþrótt Baska sem nefnis Jai Alai. Munu íslenskir skógarhöggsmenn etja kappi við hann í hefðbundnum keppnisgreinum baskneskra skógarmanna.

 Kveikt verður upp í varðeldi og gestum og gangandi boðið upp á grillaðar pylsur og ketilkaffi. Þá munu skátar setja upp þrautabraut og leiktæki fyrir yngstu kynslóðina. Það er því upplagt fyrir alla fjölskylduna að gera sér glaðan dag í Heiðmörk og njóta í senn samveru, útivistar og skemmtunar skógarmanna.

 

Skógargreinar sem keppt verður í á Skógarleikum:

Axarkast – metralöngum kastöxum kastað í mark

Eldiviður klofinn – tímakeppni í að kljúfa eldiviðarkubba

Afkvistun trjábola – tímakeppni í afkvistun trjábola

Trjáfelling – tré fellt á hæl

Bolakapp – trjábol rúllað með priki

Trjábolir höggnir í sundur með öxum – Sýningargrein sem bandaríski skógarmaðurinn Rick Sotil sýnir ásamt fleirum.

Chingaruti – Lyftingar á tilsniðnum stokkum.

 

Nánari upplýsingar veitir Helgi Gíslason, framkvæmdastjóri Skógræktarfélags Reykjavíkur, í síma 864-4228.

 
ŮJËđIN SEM VALDI VIGD═SI
fimmtudagur, 25 j˙nÝ 2015

 

 

Skógræktarfélag Reykjavíkur stendur fyrir táknrænni gróðursetningu við Bæjarhólinn á Elliðavatni laugardaginn 27. júní kl. 14. Gróðursetningin fer fram í tilefni þess að 35 ár eru liðin frá forsetakjöri Vigdísar Finnbogadóttur en hún var jafnframt fyrsta konan í heiminum sem var þjóðkjörin forseti. Í forsetatíð sinni lét hún skógrækt og landgræðslu mjög til sín taka og gróðursetti gjarnan þrjár trjáplöntur á þeim stöðum sem hún sótti heim.

Í anda Vigdísar verða þrjár plöntur gróðursettar, ein fyrir pilta, ein fyrir stúlkur og sú þriðja fyrir komandi kynslóðir. Fyrir valinu verða stæðilegar birkiplöntur af Emblukyni og munu reykvísk börn ásamt fulltrúa Skógræktarfélags Reykjavíkur sjá um að koma trjánum á sinn stað. Í tilefni dagsins standa skógræktarfélög um land allt að sams konar gróðursetningu.

Dagskráin við Bæjarhólinn hefst kl. 14:00 með tónlistarflutningi og ávarpi formanns Skógræktarfélags Reykjavíkur Þrastar Ólafssyni, í kjölfarið verður gróðursett. Að henni lokinni býðst börnum og fullorðnum svo að bregða á leik í skóginum undir traustri leiðsögn Helenu Óladóttur verkefnisstjóra Náttúruskóla Reykjavíkur.

Allir eru velkomnir og eru félagar í Skógræktarfélagi Reykjavíkur sérstaklega hvattir til að fjölmenna og gera sér glaðan dag í skóginum ásamt börnum og barnabörnum.

 

Nánari upplýsingar um gróðursetninguna (af vef Skógræktarfélags Íslands):

Þann 29. júní verða liðin 35 ár frá því Vigdís Finnbogadóttir var kjörin forseti Íslands, fyrst kvenna til að verða þjóðkjörin forseti, og 100 ár frá því konur hér á landi fengu kosningarétt. Af þessu tilefni hefur Stofnun Vigdísar Finnbogadóttur, Alþingi og Reykjavíkurborg, ásamt á fjórða tug félagasamtaka og stofnana, þar á meðal Skógræktarfélag Íslands, tekið höndum saman og efna til hátíðardagskrár sunnudaginn 28. júní, undir yfirskriftinni Þjóðin sem valdi Vigdísi.

Skógrækt, landgræðsla og náttúruvernd hafa verið Vigdísi afar hugleikin og hefur hún haldið þeim málefnum á lofti á opinberum vettvangi. Eitt besta dæmið þar að lútandi er að snemma í forsetatíð sinni tók hún upp þann sið að gróðursetja þrjú tré á þeim stöðum sem hún heimsótti – eitt fyrir stúlkur, eitt fyrir drengi og eitt fyrir komandi kynslóðir. Þótti því upplagt að skógræktarfélögin myndu marka þessi tímamót með gróðursetningu og fylgja fordæmi Vigdísar um trén þrjú.

Skógræktarfélögin og sveitarfélög um land allt, með stuðningi Skógræktarfélag Íslands og Sambands íslenskra sveitarfélaga, ásamt Skógrækt ríkisins, Landgræðslu ríkisins, Yrkjusjóði og Landgræðslusjóði munu því standa saman að gróðursetningu laugardaginn 27. júní í tengslum við hátíðina daginn eftir. Fyrirhugað er að gróðursetja þrjár trjáplöntur á hverjum stað og verður um að ræða stæðileg birki af yrkinu Embla, um 1,5-2,0 m á hæð.

 

 

Góð kveðja

Helgi Gíslason framkvæmdastjóri

Skógræktarfélags Reykjavíkur

 

 

 

 

 
┴rsskřrsla SkˇgrŠktarfÚlags ReykjavÝkur 2014
■ri­judagur, 02 j˙nÝ 2015

Skýrslan gerir vandlega grein fyrir framkvæmdum á vegum félagsins eftir svæðum, mannauð samstarfs- og styrktaraðilum. Þá segir hún til um fjárhagsstöðu félagsins. Í henni er einnig dregin upp mynd í lykiltölum um árangur í verkefnum yfir nokkur ár. Nálgast má skýrsluna hér á vef félagsins.

arsskyrsla2014.jpg

 

  

 
A­alfundur
mßnudagur, 27 aprÝl 2015

Á aðalfundi Skógræktarfélags Reykjavíkur 24. apríl 2015 undirrituðu Gunnar Einarsson bæjarstjóri Garðabæjar og Þröstur Ólafsson formaður stjórnar Skógræktarfélagsins  samning um ræktun, umsjón og eftirlit með skógræktar- og útivistarsvæðum Heiðmerkur innan lögsögu Garðabæjar.

Samningurinn tekur á verkþáttalýsingum þeirra verkefna sem á að vinna til að rækta og bæta útivistaraðstöðuna. Framlag Garðbæjar er árlega 5 mkr. og er samningurinn til fjögurra ára. Þá er til viðbótar gert ráð fyrir nýframkvæmdum sem þarf sérstakt samþykki bæjaryfirvalda.

Samningurinn skilar skógræktarfélaginu festu í starfinu sem leiða mun af sér bætta aðstöðu og umhirðu Heiðmerkur.

Stjórn Skógræktafélags Reykjavíkur 

undirskrift samnings við garðabæ 2015.jpg

 

 
AđALFUNDUR
fimmtudagur, 09 aprÝl 2015

 
Aðalfundur Skógræktarfélags Reykjavíkur
verður haldinn föstudaginn 24. apríl næstkomandi
kl. 17.00
í húsnæði Garðyrkjufélags Íslands
Síðumúla 1, Reykjavík.

Dagskrá aðalfundar:

• Skýrsla um starfsemi félagsins síðastliðið ár.

• Lagðir fram endurskoðaðir reikningar félagsins.

• Kosning samkvæmt félagslögum.

• Tillögur um framtíðarstarfsemi félagsins.

• Önnur mál sem fram eru borin.

Hreinn Óskarsson skógarvörður á Suðurlandi
heldur erindi við lok aðalfundar:

Er Skógrækt náttúruvernd?

Stjórn Skógræktarfélags Reykjavíkur

 
V÷ruh÷nnun Ý Hei­m÷rk
mi­vikudagur, 25 mars 2015
Skógræktarfélag Reykjavíkur efndi til samstarfs við vöruhönnunardeild Listaháskóla Íslands annað árið í röð. Unnu þriðja árs nemar í vöruhönnun unnu verkefni úr efnivið úr skóginum í Heiðmörk, á þriggja mánaða tímabili. Starfsmenn Skógræktarfélagsins höfðu afskaplega gaman af því að hafa skapandi og frjóa heimalninga sem unnu ótrúlega skemmtilegar vörur úr skóginum. 

Verkefnið nefnist Wood-you og var sýnt á nýliðnum Hönnunarmars. Nánar má kynna sér verkefnið á heimasíðu þess – www.wood-you.com.

 
Nokkrar alhŠfingar um skˇgrŠkt
■ri­judagur, 03 febr˙ar 2015
Skógrækt er skipulagslaus
Tekist hefur að sá nokkrum ranghugmyndum hjá þjóðinni um skóga á íslandi. Af þeim stafi margvísleg ógn. Ein ranghugmyndin er að skógrækt sé skipulagslaus. Fullyrða má að engin landnýting á Íslandi er betur skipulögð en skógrækt. Jafnframt má fullyrða að þeir sem eru á móti skógrækt virðast eiga bágt með að viðurkenna það. Í staðinn grípa þeir til þess að segja að hún sé skipulagslaus.

Ógn við landslag og ásýnd 
Skógar breyta alls ekki landslaginu sjálfu. Það megna aðeins náttúrukraftar á við hafið, jöklana, eldgosin og vatnsföllin. Skógar breyta þó vissulega ásýnd landsins. Ásýnd Íslands án skóga er óheilbrigt ástand þar sem skógunum hefur verið eytt og jarðvegur fokið burt. Hvort landið er fallegra skógi vaxið eða skóglaust fer eftir smekk hvers og eins.

Skógar spilla útsýni
Þetta er bæði rétt og rangt. Í einstaka tilvikum vex upp skógur á svæðum þar sem hann hefur ekki verið í nokkrar aldir. Frá tilteknum stöðum getur hann skyggt á það sem annar sæist í fjarska, haf eða fjall. Lausnin er oftast að færa sig til um nokkra metra enda er Ísland því sem næst skóglaust land og yfirleitt ekki langt að fara til að sjá lengra til. Ekki má heldur gleyma því að skógurinn sjálfur er útsýni út af fyrir sig. Því er rétt að líta sér nær. Best er að fara inn í skóginn og njóta þess sem fyrir augu ber þar. Það er útsýni. Ekki þarf alltaf að sjá langar leiðir til njóta fegurðar.

Skógar eyða mófuglum
Þetta er alrangt. Fuglar hafa vængi og geta því fært sig úr stað. Í mörgum tilfellum styrkja skógar móflugastofna því í skógi geta þeir falið sig og unga sína fyrir ránfuglum. Þá er einnig mun meira fæðuframboð fyrir fugla í skógum en utan þeirra. Leiða má að því líkur að við eyðingu 95% búsvæða skógarfugla í landinu hafi stofnar þeirra hrunið og að með aukinni skógrækt styrkist stofnar þessara horfnu fluglastofna á ný. Beitarfriðun lands samhliða skógrækt kemur í veg fyrir eggjaát sauðkindarinnar og eykur því afkomu móflugastofna.

Skógar eyða berjalandinu
Þetta er rangt. Beitarfriðun lands sem ávallt fylgir skógrækt eykur berjauppsprettu. Venjulega er hluti hins friðaða lands tekinn til skógræktar og því þrífast krækiber ljómandi vel á mörgum skógræktarsvæðum. Bláber vaxa mjög gjarnan inni í skóglendi og með uppvaxandi skógi skapast einnig betri skilyrði fyrir skógarber eins og hrútaber. Til viðbótar vaxa nú sums staðar rifsber, hindber og sólber í íslenskum skógum.

Barrskógar hæfa ekki á Íslandi
Ísland er í barrskógabeltinu og einhvern tíma berast nýjar tegundir á nýjar slóðir. Hér þurfti manninn til að bera aðrar trjátegundir en birki og ilmreyni til landsins. Með tímanum má þó búast við að þær hefðu borist hvort sem væri þótt það hefði getað tekið árþúsundir. Fræ geta borist með hafís eða rekaviði. Fuglar geta líka borið þau yfir hafið. Eða menn. Við erum hluti af náttúrunni. Umræðan um eðlileg eða upprunaleg íslensk vistkerfi, hvað sé íslenskt og hvað ekki, er á hálum ís. 

HG

skogarstigur.jpg
 
Jˇla- og nřßrskve­jur
mßnudagur, 22 desember 2014

Skógræktarfélag Reykjavíkur óskar landsmönnum öllum gleðilegra jóla og farsældar á nýju ári.

elliðavatn í desember.jpg

 

 
Jˇlaskˇgurinn opnar ß Hˇlmshei­i um helgina
fimmtudagur, 11 desember 2014
Dagur B. Eggertsson borgarstjóri fær þann heiður að
opna Jólaskóginn fyrir höfuðborgarbúa með því að höggva fyrsta tréð klukkan 11.00 laugardaginn 13.desember. Allur ágóði af sölu jólatrjáa rennur til uppbyggingar og viðhalds Heiðmerkur. 
dagur með jólatré Mynd: Hulda Gunnarsdóttir
Það er alltaf mikil stemning þegar fjölskyldan fer saman í Heiðmörk að höggva sitt eigið jólatré. Í ár verður Jólaskógurinn á Hólmsheiði, í nágrenni Heiðmerkur, helgarnar 13.-14.desember og 20.-21.desember frá klukkan 11 til 16.
Hólmsheiði, fara Suðurlandsveg, beygja inn Hafravatnsveg og þar taka svo skilti við sem vísa á Jólaskóginn. kort fyrir jólaskóg og jólamarkað (1).jpg

Jólasveinar koma í heimsókn alla dagana og varðeldur er kveiktur. Boðið verður uppá heitt kakó og jólalög sungin. Sagir og klippur verða til útláns. Einnig eru jólatré seld á Jólamarkaðinum Elliðavatni í Heiðmörk þar sem opið verður allar helgar í aðventu. kl. 11-16. 

þvörusleikir að höggva tré

Íslensk jólatré eru vistvæn. Þau eru ræktuð án eiturefna og eru ekki flutt milli landa. Í staðinn fyrir hvert tré sem er höggvið gróðursetur félagið að minnsta kosti þrjátíu tré.

Frábær dagskrá á Jólamarkaðinum um helgina fyrir alla fjölskylduna, sjá nánar á fésbókarsíðunni Jólamarkaðurinn Elliðavatni.rjóður.jpg

 Áhugasamir áheyrendur í Rjóðrinu síðastliðinn sunnudag.

 
Jˇlamarka­urinn Elli­avatni 2014
mi­vikudagur, 03 desember 2014

  

Jólamarkaðurinn vinsæli á Elliðavatni opnar laugardaginn 29. nóvember og verður opinn allar helgar fram að jólum frá klukkan 11-16.

Mikið úrval af íslensku handverki og hönnun. Á Hlaðinu verða til sölu nýhöggvin íslensk jólatré og þar að auki mikið úrval af tröpputrjánum vinsælu. Einnig eldiviður og viðarkyndlar. 

Markaðurinn

Í Gamla salnum, Hlöðunni og í litlu Jólahúsunum á torginu verður fjölbreyttur hópur handverksfólks sem kynnir vörur sínar og selur.

Markaðurinn býður upp á ekta stemmingu þar sem handverksfólk og hönnuðir kynna og selja sína vörur. Það verður fjölbreytt úrval af fallegu handverki skartgripum, ýmiskonar ullar- og leðurvörum, og einnig má finna gjafir, skreytingar og kræsingar af öllu tagi.

Rithöfundar koma og lesa upp úr nýjum bókum sínum bæði fyrir börn og fullorðna. Jólasveinar koma og heilsa upp á börnin, fara í leiki og syngja. Kórar, harmonikkuleikarar og fleira gott tónlistarfólk hafa séð okkur fyrir fallegum tónum, og svo margt fleira.

Kaffistofan 

Kaffistofan verður niðri í Elliðavatnsbænum þar sem fjölskyldan getur fengið sér hressingu í anda jólanna og átt notalega stund. 

Rjóðrið

Rjóðrið er trjálundur rétt við Elliðavatnsbæinn þar sem hægt er að setjast á bekki kringum logandi varðeld. Barnastundin verður þar klukkan 14 og þá kemur barnabókahöfundur og les upp fyrir börnin.

Jólasveinar koma í heimsókn á markaðinn, og kíkja líka á börnin í rjóðrinu eftir upplesturinn. Þeir syngja og tralla frá 13.30-15.30.

Jólamarkaðurinn á Elliðavatni er dásamlegur staður, til að flýja ys og þys borgarinnar um stund, og til að finna réttu jólastemninguna í friðsælu og fallegu umhverfi.

Munið – það tekur aðeins 15 mínútur að aka frá miðbæ Reykjavíkur að Elliðavatnsbænum í Heiðmörk

Nánari upplýsingar um menningardagskrá Jólamarkaðsins er að finna á fésbókarsíðunni, Jólamarkaðurinn Elliðavatni.

Markaðstréð 2014 skreytt af Gerði Jónsdóttur listakonu.

jólatréð á markaðstorginu.jpg




 
Gar­ahlynur vi­ Sturluhallir BorgartrÚ­ 2014
mßnudagur, 24 nˇvember 2014

Garðahlynur við Laufásveg 49-51 var útnefnt borgartré ársins 2014 síðastliðinn föstudag og tókst með miklum ágætum. Íslenska auglýsingastofan sem þar er til húsa bauð upp á heitt kakó og jólaglögg, en þau sáu jafnframt um að útbúa skjöldinn fyrir útnefninguna sem er á garðveggnum framan við tréð. Útnefningin er samstarfsverkefni Reykjavíkur og Skógræktarfélags Reykjavíkur.

Ljósin tendruð

ljósin kveikt.jpg

 

Dagur borgarstjóri og dr. Sturla Friðriksson eigandi borgartrésins 2014 með garðahlyninn í baksýn

dagur og sturla.jpg

 

 

 

 

 

 

 
<< Byrja < Fyrri 1 2 3 4 5 6 7 8 9 10 NŠsta > SÝ­asta >>

Ni­urst÷­ur 1 - 12 af 336
 
SkˇgrŠktarfÚlag ReykjavÝkur   Elli­avatni, 110 ReykjavÝk - SÝmi 564 1770
www.veflausnir.is