Hei­m÷rk
skrvk-banner-virdiheidmerkur.jpg

Eldivi­ur

eldividur.jpg
jolabok.jpg
byr_logo.gif
 
 
┴lyktun vegna S═ og Teigsskˇgar
f÷studagur, 24 oktˇber 2014

 

Ályktun stjórnar Skógræktarfélags Reykjavíkur 24. okt. 2014.


Stjórn Skógræktarfélags Íslands ( S.Í. ) hefur nú í annað sinn ályktað um vegagerð í gegnum Teigsskóg við Þorskafjörð, í þetta sinn m.a  til að segja ómerka lýsingu í ályktun Skógræktarfélags Reykjavíkur um það sem gerðist á aðalfundi S.Í. í ágúst sl.

Aðalfundurinn féllst ekki á tillögu stjórnar S.Í. um stuðning við vegarlagninguna og sendi hana aftur til stjórnarinnar. Þær staðhæfingar stjórnar S.Í. að það hafi nánast verið af tæknilegum ástæðum, sem aðalfundurinn sendi tillöguna aftur til stjórnar eru í öllum meginatriðum rangar og úr lausu lofti gripnar. Stjórn Skógræktarfélags Reykjavíkur stendur við það að undirtektir í skógræktarnefnd aðalfundar hafi verið dræmar og að ályktun S.Í. um vegarlagninguna hafi verið í andstöðu við vilja aðalfundar eins og hann birtist í umræðum og með afgreiðslu tillögunnar. 

Þrátt fyrir málafylgju stjórnar S.Í. vakti tillagan hörð viðbrögð. Hún gekk þvert á tilgang S.Í. sem er að vernda og rækta skóga í landinu. Það er rangt að ósætti hafi verið um tillöguna vegna "óskýrleika í framsetningu" hennar. Ósætti var af þeim ástæðum að mönnum var misboðið með þessu óvænta framtaki stjórnarinnar. Með sama hætti er það hreinn tilbúningur að þorri fundarmanna hafi "verið þeirrar skoðunar að nauðsynlegt væri að umorða tillöguna." Rauði þráðurinn í umræðum var einmitt sá, hvernig það mætti vera að S.Í. gengi þannig fram þvert á tilgang félagsins. Afdrif tillögunnar réðust síðan af því, hvort henni skyldi vísað frá fundinum eða til stjórnar, en tillögur lágu fyrir um hvort tveggja. Þeir sem helst voru til andmæla lögðu loks til að henni yrði vísað til stjórnar. Með því er flytjanda tillögu sagt á kurteislegan hátt að tillaga hans njóti ekki fylgis. Fyrirmyndin að slíku verklagi er öllum ljós og þarf ekki að skýra nánar. Kjarni málsins er sá að stjórn S.Í. fékk ekki umboð fulltrúa skógræktarfélaga í landinu til að styðja ráðagerðir um umtalsverðan ruðning skóglendis, ef frá eru talin skógræktarfélög á Vestfjörðum.  Með því að bera á borð slíkar rangfærslur gerir hún hlut sinn síst betri.

Í yfirlýsingu stjórnar S.Í. segir að hún hafi hlustað á „raddir skógræktarmanna og fólksins sem býr við erfið samgönguskilyrði á Vestfjörðum“. Það vekur athygli, ekki bara hjá skógræktar- og náttúruverndarfólki víða um land, að S.Í. skuli með samþykkt sinni ganga fram eins væri hún kjördæmapólitísk samtök. Álit  íslenskra náttúru- og gróðurverndarsamtaka og jafnframt  Skógræktar ríkisins  og Umhverfisstofnunar  falla öll í sama farveg. Sú eyðilegging sem verður af vegalagningu eftir endilöngum skóginum er óafturkræf og spillir vistkerfi svæðisins til framtíðar. Með samþykkt sinni vildi stjórn Skógræktarfélags Reykjavíkur lýsa stuðningi sínum við verndun skógarins og andstöðu  við þau endaskipti sem stjórn S.Í. gerir á meginhlutverki sínu, með því að styðja að dýrmætum skógi sé eytt.

 

 
Minningargrein um Ingu Rˇsu ١r­ardˇttur
fimmtudagur, 23 oktˇber 2014

 

 

 

Kveðja frá Skógræktarfélagi Reykjavíkur 

Okkur setti öll hljóð þegar við fréttum af andláti Ingu Rósu. Við vissum um veikindi hennar og að þau væru svo alvarleg að ekki væri von um bata. Á stjórnarfundi bárust okkur fregnir af líðan hennar. Þær voru ekki uppörvandi. Við bjuggumst þó ekki við því að dauðastundin væri svona nálæg. Maðurinn með ljáinn kemur jafnan of snemma. 

Inga Rósa sat í stjórn Skógræktarfélags Reykjavíkur í fjórtán ár eða frá vordögum 2000. Hún var einstaklega jákvæð og lagði jafnan gott til mála, var full af áhuga og hugmyndum um það með hvaða hætti við sinntum skógræktarstarfinu best. Hvenær sem til hennar var leitað var hún boðin og búin að veita félaginu liðsinni sitt. Þegar við fórum að Múlastöðum nú á höfuðdaginn til að fagna kaupum félagsins á jörðinni, bað hún fyrir kveðjur, treysti sér ekki til að koma. Hún fagnaði þessum fyrstu jarðakaupunum félagsins. Fundargerðir hennar af aðalfundum félagsins voru bæði læsilegar, skýrar og fyrirmyndar heimild til að fletta upp í. Inga Rósa var sú tegund af manneskju sem gerði okkur sem sátu með henni í stjórn léttara í sinni. Þegar stjórnin gerði sér glaðan dag var hún hrókur alls fagnaðar, hún smitaði glaðværðina út frá sér. Þetta voru ánægjulegar samverustundir. 

Að leiðarlokum þakkar stjórn Skógræktarfélags Reykjavíkur Ingu Rósu langt, ánægjulegt og farsælt samstarf. Hennar sæti verður vandfyllt. Við munum sakna hennar og minnast með miklum hlýhug. Eiginmanni og öðrum aðstandendum vottum við dýpstu samúð. 
F.h. Skógræktarfélags Reykjavíkur.

Þröstur Ólafsson.

 
Sam■ykkt stjˇrnar SkˇgrŠktarfÚlags ReykjavÝkur 15. 10. 2014
fimmtudagur, 16 oktˇber 2014

Í byrjun október sl. sendi stjórn Skógræktarfélags Íslands frá sér yfirlýsingu um stuðning við áform Vegagerðarinnar um að leggja veg í gegnum Teigsskóg í Þorskafirði. Þessi ályktun stjórnar S.Í. á sér þann aðdraganda að hún lagði tillögu sama efnis fyrir aðalfund félagsins sem haldinn var í ágúst sl. á Akranesi. Tillagan var tekin fyrir í skógræktarnefnd, sem er önnur af tveimur nefndum sem fulltrúar á fundinum störfuðu í til að undirbúa mál. Fulltrúar frá Skógræktarfélögum Hafnarfjarðar og Reykjavíkur voru meðal þeirra sem töluðu gegn tillögunni á nefndarfundinum.

 

Rökin voru meðal annars þau að hlutverk S.Í. væri að stuðla að skógrækt og verndun skóga og skógaleifa og vinna gegn eyðingu skóga og síst af öllu að taka afstöðu í þjóðfélagsdeilu með þeim hætti að styðja þann málstað að skógur skyldi ruddur á stóru svæði.

Aðrir væru til þess kjörnir að vinna slíkum málstað fylgi. Þrátt fyrir að stjórn S.Í. fylgdi tillögu sinni eftir í nefndinni hlaut hún ekki brautargengi og undirtektir skógræktarmanna voru dræmar. Fór svo að nefndin samþykkti að vísa tillögunni til stjórnar. Sú niðurstaða var, síðar á fundinum, samþykkt samhljóða.

 

Vegarlagning um Teigsskóg hefur um langa hríð valdið  deilum í samfélaginu, þar sem fjölmargir náttúruverndarmenn, þ.á m. skógræktarmenn, hafa lýst sig andvíga þeirri skógareyðingu sem óhjákvæmilega hlytist af. Bent hefur verið á að aðrir kostir á vegtengingum séu fyrir hendi. Teigsskógur myndar samfellt kjarr og er  einn heillegasti og um leið fallegasti villti birkiskógurinn á Vestfjörðum. Með uppbyggðum vegi yrði eyðilagður skógur á um sex hektara svæði auk þess sem gamalgróið vistkerfi skógarins yrði rofið.  Þeir eru ófáir sem líta svo á að þessi skógur sé gersemi sem beri að vernda.

 

Aðalfundur fer með æðsta vald í málefnum Skógræktarfélags Íslands. Ályktun stjórnar félagsins er ekki í samræmi við vilja kjörinna fulltrúa skógræktarfélaga í landinu eins og hann birtist á fundi aðalfundar Skógræktarfélags Íslands. Hún virðist ekki heldur hafa verið kynnt fyrir aðildarfélögum almennt áður en gengið var frá henni. Með vísan til þess sem að framan greinir tekur stjórn Skógræktarfélags Reykjavíkur fram að hún styður ekki ályktun stjórnar S.Í. sem getið var hér í upphafi.

 
Nßmskei­ um kransager­ ˙r nßtt˙rulegum efnivi­i
fimmtudagur, 23 oktˇber 2014

Skógræktarfélag Reykjavíkur stendur fyrir námskeiði um kransagerð úr náttúrulegum efniviði fimmtudaginn 23. október. Er námskeiðið haldið að Elliðavatni í Heiðmörk, kl. 9:30-16:00. 

Sýnikennsla verður  í gerð kransa (haustkransa, jólakransa) með efni úr íslenskri náttúru og íslenskum skógum - könglakransar, grenikransar og greinakransar. Þátttakendur fá tækifæri til að binda sína eigin kransa og mega gjarnan koma með eitthvert efni með sér eins og greinar, köngla, mosa, hálmkransa og þess háttar. Einnig er gott að hafa með greinaklippur, skæri og vírklippur ef til eru, sem og límbyssu. Ef tími vinnst til verður sett í litlar jólakörfur, þannig að ef þátttakendur eiga litlar bastkörfur eða potta er um að gera að taka það með. Einnig er mælt með að hafa þunna hanska með, t.d. einnota.

Kennari:     Steinar Björgvinsson skógfræðingur og blómaskreytir

Verð:   8.000 kr.  Kaffi, bakkelsi og hádegisverður innifalið.

 

Hámaksfjöldi: 20 manns.

 

Upplýsingar og skráning fyrir 18. október:

Else Möller      else.akur@ gmail.com             GSM:  867-0527  

f.h.Skrf. Rvk   saevar@heidmork.is               GSM:  893-2655

 
StˇrbŠtt a­sta­a Ý VÝfilssta­ahlÝ­ og Hjalladal
fimmtudagur, 18 september 2014

Nýlega réðst Skógræktarfélag Reykjavíkur í viðamiklar framkvæmdir í þeim hluta Heiðmerkur sem tilheyrir Garðabæ.


Haustið 2013 var skrifað undir samstarfssamning milli félagsins og Garðabæjar um rekstur svæðisins og eru framkvæmdirnar nú afrakstur þess samnings.

 

sr1.jpg

Sævar Hreiðarsson skógarvörður við bílastæðið í Hjalladal sem búið er að lagfæra þannig að það þjóni betur hinum fjölmörgu gestum Heiðmerkur. 

Lesa meira...
 
Ůemadagur: rŠktun jˇlatrjßa ľ flokkun og sala
mßnudagur, 25 ßg˙st 2014
Skógræktarfélag Reykjavíkur, í samstarfi við Else Möller skógfræðing, stendur í ár fyrir röð námskeiða þar sem sérfræðinga fara ofan í saumana á mikilvægum atriðum í ræktun og umhirðu jólatrjáa. Er nú komið að þemadegi tengdum flokkun og sölu trjáa og verður hann haldinn fimmtudaginn 11. september kl. 9:30-16, á Elliðavatni í Heiðmörk.

Dagskrá
Kl. 9.30 - 10.00  Sala jólatrjáa á Íslandi. Flokkun, gæðamál og söluaðferðir.
Kynning á dagskrá og viðfangsefni dagsins.
Else Möller, skógfræðingur
Kl. 10.00 - 10.45 Sala jólatrjáa hjá Skógrækt ríkisins.
Hvernig fer sala jólatrjáa fram hjá Skógrækt ríkisins. Flokkun, söluaðferðir og árangur. 
Hreinn Óskarsson, skógfræðingur og skógarvörður á Suðurlandi.
Kl. 10.45 - 11:00 Kaffi
Kl. 11.00 – 12.00
Sala íslenskra jólatrjáa hjá Blómavali. 
Sölumál tengd íslenskum jólatrjám séð frá sjónarhóli sölumannsins.
Kristinn Einarsson, framkvæmdastjóri hjá Blómavali.
Kl. 12.00 - 13.00 Hádegismatur
Kl. 13.00 – 13.30 Íslenskt flokkunarkerfi fyrir alla - hvernig á það að vera?
Stutt erindi með tillögum til umræðu
Else Möller, skógfræðingur
Kl. 13.30 - 14.00   Kaffi
Kl. 14.00 - 15.30 Að velja og flokka jólatré fyrir næstu jól. 
Hvenær og hvernig förum við að þessu?
Förum í reiti í Heiðmörk með trjám sem eru tilbúin fyrir sölu og ræðum gæði og flokkun undir leiðsögn Gústafs Jarls Viðarssonar og Sævars Hreiðarssonar.
Kl. 15.30 - 16.00 Kaffi og umræður.
  

Kostnaður fyrir daginn:   10.000 kr.  

Upplýsingar og skráning fyrir 8. september: 
Else Möller   Ůetta netfang er vari­ fyrir ruslrafpˇsti, ■˙ ■arft a­ hafa Javascript virkt til a­ sko­a ■a­ GSM:  867-0527  
f.h.Skrf. Rvk   Ůetta netfang er vari­ fyrir ruslrafpˇsti, ■˙ ■arft a­ hafa Javascript virkt til a­ sko­a ■a­       GSM:  856-0059

 
Minnisvar­i um fyrsta skˇgrŠktarstjˇrann afhj˙pa­ur
mßnudagur, 23 j˙nÝ 2014

Skógræktarfélag Reykjavíkur ásamt Skógrækt ríkisins, Skógræktarfélagi Íslands og Landgræðslu ríkisins stóðu að gerð minnisvarða í skógarlundi í Heiðmörk í virðingarskyni við starf fyrsta skógræktarstjóra landsins, Agner Francisco Kofoed-Hansen en hann vann ötullega að skógrækt og sandgræðslu á Íslandi. Var minnisvarðinn afhjúpaður við hátíðlega athöfn þann 18. júní.

Hannes Hafstein, fyrsti ráðherra Íslands, hafði óbilandi trú á skógrækt til að vinna gegn umfangsmikilli landeyðingu í upphafi síðustu aldar. Hann vann að því að sett yrðu lög um skógrækt og voru þau samþykkt á Alþingi haustið 1907. Fyrsti skógræktarstjóri Íslands, Agner Francisco Kofoed-Hansen, var ráðinn til starfa ári síðar og starfaði til 1935.

Fyrirmyndin að gagnsemi skógræktar til að takast á við sandfok og landeyðingu var sótt til Danmerkur. Þar hafði mikill árangur náðst við að stemma stigu við landeyðingu á jósku heiðunum. Danir höfðu frumkvæði að því að efla áhuga Íslendinga á skógrækt og sandgræðslu.

A. F. Kofoed- Hansen fæddist í Danmörku 1869. Hann var skógfræðingur að mennt og hafði mikla reynslu í stjórnun ræktunarframkvæmda bæði í Svíþjóð og Rússlandi. Hann var skipaður skógræktarstjóri í byrjun árs 1908. Ekki höfðu allir jafn mikla trú á þýðingu skógræktar og Hannes Hafstein og sýndi A.F. Kofoed-Hansen mikla þolinmæði og þrautseigju við að efla skilning á þýðingu þess að vernda og auka umfang skóga í landinu. Meginstefið í starfi hans var friðun og verndun birkiskóga sem voru í mikilli afturför þegar hann tók við starfi. Einkunnarorð sem hann starfaði eftir lýsa þessu vel en þau voru: „Verndaðu vel og rétt kjarrið sem til er og það mun þroskast og verða skógur meðan þú sefur.“

Agner Francisco Kofoed-Hansen lést í Reykjavík 7. júní 1957.

 
AmerÝskir fer­amenn grˇ­ursetja ß Hei­m÷rk
mßnudagur, 16 j˙nÝ 2014

Laugardaginn 14. júní kom hópur amerískra ferðamanna í heimsókn á Heiðmörk. Meðal annars gróðursettu þau með starfsmönnum félagsins og var sett niður skógarfura og sitkagreni vestan við Myllulækjartjörn.

heidm_bna2.jpg

 

Lesa meira...
 
Starfsemi landnema Ý Hei­m÷rk
fimmtudagur, 15 maÝ 2014

Einn af helstu hornsteinum Heiðmerkur eru 140 félagasamtök sem hafa meira og minna starfað þar frá því að stofnað var til útivistarsvæðisins. Hvert landnemafélag hefur sinn reit þar sem fjölskyldur fara saman í skógarferð og eiga góðar stundir við gróðursetningu, stígagerð og umhirðu skógarins, leik og lundarferð með nesti. Þá aðstoða starfsmenn Skógræktarfélags Reykjavíkur gjarnan með leiðbeiningar um verkefnin. Þetta er hluti af hefðbundnum ánægjulegum vorverkum sem fara fram í Heiðmörk sem undirstrikar svo skemmtilega að Heiðmörkin hefur öll orðið til sem ein stórt félagslegt verkefni, stjórnað af frjálsum félagasamtökum. Á þann hátt hefur útivistarsvæðið og skógurinn verið byggður upp af einkaframtaki félaga og fyrirtækja með stuðningi borgarinnar. Núna eru Soroptimistar að hefja störf í sínum reit og Rótarý-klúbburinn Reykjavík - Breiðholt var um helgina í sínum vorverkum, eins og sjá má á heimasíðu klúbbsins (hér – athugið sérstaklega myndbandið neðst) .

 

 
Ůemadagur 10. aprÝl - rŠktun jˇlatrjßa
fimmtudagur, 10 aprÝl 2014
Skógræktarfélag Reykjavíkur stendur fyrir þemadegi um ræktun jólatrjáa þann 10. apríl og verður hann haldinn að Elliðavatni í Heiðmörk.

Dagskrá: 
Kl. 9.30 – 12.30 Fjárhagsáætlun fyrir  jólatrjáaræktun
Hvernig settt er upp fjárhagsáætlun fyrir jólatrjáaræktun og haldið utan um kostnað og tekjur frá upphaf til enda ræktunarferlisins. 
Kennari:  Jóhanna Lind Elíasdóttir frá Rannsóknamiðstöð landbúnaðarins.

Kl. 12.30 – 13.15 Hádegismatur - Súpa og brauð í boði Skógræktarfélags Reykjavíkur

Kl. 13.15 – 17.30 Formun jólatráa, umhirða og klipping 
Aðferðir við að forma og laga jólatré til að bæta útlit,  auka gæði og nýtingarhlutfall. 
Kennari:  Marianne Lyhne frá Skov og Landskab, Nödebo Danmark 

Kostnaður fyrir daginn:   10.000 kr.  -  Innifalið er fróðleikur, kaffi og bakkelsi. 


Upplýsingar og skráning fyrir 8. apríl: 
Else Möller   Ůetta netfang er vari­ fyrir ruslrafpˇsti, ■˙ ■arft a­ hafa Javascript virkt til a­ sko­a ■a­   GSM:  867-0527  
f.h. Sk.Rvk.   Ůetta netfang er vari­ fyrir ruslrafpˇsti, ■˙ ■arft a­ hafa Javascript virkt til a­ sko­a ■a­       GSM:  893-2655
 
jolanamskeid2.jpg
 
 
Jólatré til sölu á Jólamarkaðinum á Elliðavatni 2013 (Mynd: RF). 
 
A­alfundur 2014
mi­vikudagur, 09 aprÝl 2014
Aðalfundur Skógræktarfélags Reykjavíkur verður haldinn í Háskólatorgi, stofu 101, í Háskóla Íslands þann 9. apríl 2014 kl 20:00.
 
Dagskrá:
Skýrsla um starfsemi félagsins síðastliðið ár.
Lagðir fram endurskoðaðir reikningar félagsins.
Kosningar samkvæmt félagslögum.
Tillögur um framtíðarstarfsemi félagsins.
Önnur mál, sem fram eru borin.
Fræðsluerindi. Dr. Aðalsteinn Sigurgeirsson flytur erindið Að vega og meta margbreytileika lífríkis við skipulag,  skógrækt og  „skipulagslausa skógrækt“.

 
<< Byrja < Fyrri 1 2 3 4 5 6 7 8 9 10 NŠsta > SÝ­asta >>

Ni­urst÷­ur 1 - 12 af 319
 
SkˇgrŠktarfÚlag ReykjavÝkur   Elli­avatni, 110 ReykjavÝk - SÝmi 564 1770
www.veflausnir.is