Hægt er að kaupa jólatré og tröpputré hjá Skógræktarfélaginu á Elliðavatni í Heiðmörk

þó svo markaðnum sé lokið.

Verðflokkar eftir tegundum og hæð.

Opið klukkan 11-17 fram að jólum.

Upplýsingasími: 5641770.

Jólatré getur fólk nálgast á tveimur stöðum  um  helgina í Heiðmörk. Að sjálfsögðu allt íslensk tré, höggvin í skógum Skógræktarfélags Reykjavíkur.

1. Jólaskógurinn  í Grýludal. Sagir að láni, eitt verð fyrir eitt jólatré, óháð stærð: 6.000 krónur.  Kakó, piparkökur og jólasveinafjör. Opið kl 11-16 lau-sun.

2. Á Hlaðinu á Jólamarkaðnum er úrval jólatrjáa sem seld eru eftir tegundum og hæð. Þar er einnig seldur eldiviður og tröpputrén vinsælu. Opið kl 11-17 lau-sun.

Laugardagur 17. desember:

Klukkan 14:             Ingibjörg Ferdinandsdóttir les úr Kela mínum sem hvarf í Rjóðrinu.

Klukkan 14-15:        Jólasveinn verður á staðnum.

Sá fjórði, Þvörusleikir,

var fjarskalega mjór.

Og ósköp varð hann glaður,

þegar eldabuskan fór.

Þá þaut hann eins og elding

og þvöruna greip,

og hélt með báðum höndum,

því hún var stundum sleip.

Svona orti Jóhannes úr Kötlum um Þvörusleiki, sem kom aðeins of  snemma til byggða og birtist óvænt á Jólamarkaðnum  Elliðavatni í dag.

Jólaskógurinn og Jólamarkaðurinn verða opnir meðan dagsbirtu nýtur. Nú skartar Heiðmörkin sínu fegursta og veðurspáin ekki amaleg fyrir þennan daginn. ´

Í Grýludal er mikið úrval jólatrjáa og í bækistöð skógarvarðarins er boðið upp á kakó og piparkökur auk þess sem jólasveinar taka þátt í fjörinu.

Á Jólamarkaðnum Elliðavatni er sem fyrr fjölbreytt úrval af íslensku handverki og margt í boði allan daginn. Gáttaþefur hefur boðað komu sína milli klukkan 14 og 15 og byrjar á því að kynna lestur úr barnabók við varðeld í Rjóðrinu og taka eins og eitt jólalag.

Hér fylgir dagskráin á Jólamarkaðnum í dag:

Sunnudagur 11. desember

Klukkan 13:  Kristín Helga Gunnarsdóttir les úr Ríólítreglunni í Gamla sal.

Klukkan 14:  Huginn Þór Grétarsson les úr Fjörugu ímyndunarafli á fjórum tungumálum í Rjóðrinu.

Klukkan 15:  Harmonikkuleikur:   Vigdís, Hildur Petra og Lilja Dögg spila fyrir gesti í Gamla sal.  

Jólaskógurinn verður nú opinn á nýjum stað eða í Grýludal við Hjallabraut (sjá kort).

Þar eru þúsundir glæsilegra jólatrjáa við allra hæfi.  Fyrirkomulagið verður annars það sama og áður:

Opið klukkan 11-16 tvær helgar fyrir jól.

Jólatré að eigin vali, verð 6.000 krónur. 

Jólasveinar, kakó, piparkökur og varðeldur.

Tilvalið fyrir fjölskylduna að velja sitt eigið tré og njóta vetrarstemmningar í Heiðmörkinni! 

Laugardagur 10. desember